Slutwalk එකක් යමුද?

 

ලොකේ පුරා අළුතෙන් ව්‍යාප්ත වෙන කාන්තා නැගිටීම තමයි Slutwalk  කියන්නේ.මේකේ Slut කියන වචනේ තේරුම Oxford Dictionary එකේ තියෙන්නේ Slut (Noun) , a woman who has many sexual partners , a woman who is very untidy or lazy  කියලා. ඒ කියන්නේ ලංකාවෙ බහුතරයකට අනුව ඕක සිංහලට ගත්තොත් “බඩුව“ “නැත්තං “වේසගෑණි“ වෙනවා.එතකොට Slutwalk කියන්නේ වේස ගෑණුන්ගේ ගමන ද?

මේ Slutwalk පටංගන්නේ කැනඩාවෙන්.මේකට පාදක වෙන්නේ කැනඩාවේ York University එකේදි Michael Sanguinetti  කියන පොලිස් නිලධාරියා කරපු කථාවක්.ඔහු කිව්වා “කාන්තාවන් ගේ ඇදුම් විලාසිතා rape වෙන්න හේතු වෙනවා. ඒ නිසා Sluts ල විදිහට අදින එක නවත්වන්න කියලා“ කියලා.මේ ප්‍රකාශයත් එක්ක කැනඩාව කැළඹිමට පත් වෙනවා.කැනඩාවේ කාන්තාවෝ දහස් ගාණක් එකතුවෙනවා ටොරන්ටෝ වල ක්වීන්ස් චතුරස්‍රයට.මේ කාන්තාවෝ එන්නේ අර එපා කියල කිව්ව විදිහට ඇදගෙන.විවිධකාරයේ විරෝධතා පුවරු උස්සගෙන ආව කාන්තාවෝ 3000ක් විතර ටොරන්ටෝ පොලිස් මුලස්ථානය වටකරලා අර නිලධාරියාගේ ප්‍රකාශයට විරෝධය පල කරනවා.කොහොම හරි අන්තිමේදි  Michael Sanguinetti  තමන්ගේ කථාව ගැන සමාව ගන්නවා.ඒත් මේ Slutwalk රැල්ල මෙතනින් නවතින්නේ නෑ ඔස්ට්‍රේලියාව, බ්‍රිතාන්‍යය, වගේ රටවල් බර ගාණක කාන්තාවෝ තම තමන්ගේ රටවල මේ Slutwalk එක කළා.අපේ අසල්වැසි ඉන්දියාවෙත් මේ Slutwalk එක පැවැත්වුනා.

නමුත් සදාචාරත්මක ප්‍රශ්නේ Slutwalk නෙවෙයි. කාන්තාව ගේ ඇදුම් පැළදුම් ගැන නීතිරීති දාන්න පිරිමියාට ඇති අයිතිය මොකක්ද? කාන්තාව තම කැමැත්ත මරා දමා පිරිමියාගේ රුචි අරුචිකම් මත ඇදිය පැළදිය යුතුද?මෙහෙම ගත්තම සමහර රූපවාහිනි නාලිකාවල පැය ගණන් දෙසන ගෑණිගෙන් විතරක් සංස්කෘතිය රකින්න හදන මහත්තුරුන්ට එරෙහිව ලංකාවෙත් Slutwalk  එකක් කරන්න ඕන කාලය ඇවිත් කියල කෙනෙකුට යෝජනා කරන්න පුළුවන්.

 පියංකාරගේ බන්දුල ජයවීර කාලෙකට ඉස්සල්ලා රාවයට ලිව්වා මෙහෙම කවියක්

 

“කන්තෝරුවට එනවිට වැදගත් විදිහට එන්න ද්නන් නැද්ද ?සාය කෑලි ,ගවුම් කෑලි,හැට්ට, කොන්ඩේ කඩාගෙන මෙහි එන්නට ලැජ්ජා නැද්ද?“

“මින් මතුවට සාරිය හැද,කොණ්ඩය බැද,පිළිවෙලකට ආ යුතු“

ගැහැණු කමට ගැහැණු රුවට බය

ලොක්කන්ගේ හිත කැත කුණු වසාගන්න

ගැහැණුන්ගේ රෙදි කොණ්ඩ වලින් අදින

තලේබාන් පොලිසියකි කන්තෝරුව

 

කකුල පේනකොට, බුරිය පේනකොට,පපුව පේනකොට බහුතරයක් පිරිමි බයයි තමන් අමාරුවෙන් හංගගෙන ඉන්න හදන වනචාරියා එලියට පනියි කියලා ඒ නිසා නීති දානවා.අරක පේනවා මේක පේනවා කියලා.මොකක් පෙනුනත් කලබල නොවී හිටියනම් ඉවරයිනේ.මේකට හරි ලස්සන ආවරණයක් තියෙනවා සංස්කෘතිය සභ්‍යත්වය කියලා.ඔය කියන සංස්කෘතිය රකින්න ඕන කාන්තාව විතරද?මෙහෙම කියන්නේ ගෑණි රට ගියාම තමන්ගේ දුවත් එක්ක සංසර්ගයේ යෙදෙන ලාංකේය පිරිමියා. ඔවුන් තමන්ගේ හෙළුව පෙනෙයි කියන බයට ගෑණුන්ගේ හෙළුව වහන්න දගලනවා.ඒකයි ඇත්ත ප්‍රශ්නේ.

 

බලය කුණුහරපයක් ද?

බලය කියන වචනය ගැන කියන කොට  එකපාරම අපිට මතක් වෙන්නේ ලංකාවේ කුණු කුජීත වෙච්ච පක්ෂ දේශපාලනේ.හැබැයි බලය කියන දේ ඊට වැඩිය එහා ගිය දෙයක් තියෙනවා.දවසක් කොල්ලුපිටියෙදි හදිස්සියේ සෙට් වුන බැචෙක් එක්ක පෙට්ටි කඩයක් ලග ප්ලේන්ටියක් බිබී සිගරට් එකක් ගගහ ඉන්නකොට  සුදු පාට  Toyota Axio  එකක් අරූට Horn පාරක් ගහගෙන ගියා.“උඹ දන්නවද ඒ ගියෙ කවුද කියලා?“ ඌ අහුවම මම නෑ කිව්වා.මතක නැද්ද බං අර “වැද්දි“ අපිට පල්ලෙහා Batch එකේ.මට “ඈ????“ කියවුනා.එහෙම වුනේ කොහොමද බං?කියල මම අහන්නත් කලිං ඌ කියනවා “හිලේ බලේ තමයි බන්“ කියලා.

මේ ප්‍රකාශය සරල කතන්දරයක් නෙවෙයි.දිගට හිතාගෙන ගියාම ඇත්තටම ලංකාවේ බලය තියෙන්නේ ස්ත්‍රියගේ කකුල් දෙක අතරද?කියන ප්‍රකාශයේ ප්‍රශ්නාර්ථය ඉබේම ඉවත් වෙලා යනවා.අද ලංකාවේ ඕනෑම ආයතනයක පළපුරුදු අති දක්ෂ පිරිමින්ට වඩා කාන්තාවන්ට ඉහලට යන්න හරිම ලේසියි.නිවාඩු ගන්න ලේසියි.Short leave ගන්න හරිම ලේසියි.තව promotions ,increments , office cars මේවා ඒ හැටි දේවල් නෙවෙයි.වැරදිලාවත් ටිකක් ඇහැට කණට පේන කෙල්ලෙකුට හිසේ ඇම්මක් හැදුනත් ලොක්කගේ ඉදලා ඔක්කොම පැනඩෝල් හොයන්න office එක වටේ දුවනවා.තව අමාරුනම් ලොක්කම car එකේ දාගෙන doctor කෙනෙක් ළගට අරං යනවා. හවසට කෝච්චියට පිරිමි පොරකන තරම් බලන්න හැබැයි පස්සේ බැලුවම වැඩිපුරම වාඩිවෙලා ඉන්නේ ගෑණු. Campus එකේ Batch top වෙන එක කෙල්ලන්ට Easy.සර්ට ඔය ෂර්ට් එක ඇන්දම ලස්සනයි කියල කෙල්ලෙක් කිව්වම ලෙචා ඇදගන්නවා.අර ෂර්ට් එකම පට්ට ගහනවා.කොණ්ඩේ කපන්නෙත් අර කෙල්ල කියන විදිහට.තව ලස්සන කෙල්ලෙක් බස් එකට නැග්ගම අතේ තියෙන මල්ල හරි පොත් ටික හරි ගන්න ඉස්සල්ලම ඉදිරිපත් වෙන්නේ පිරිමි.තනියම යනකොට Car එකක් මග නැවතිලා නම් කී දෙනෙක් නවත්තලා උදව් කරන්න හදනවද?මහ පාරෙදි කෙල්ලෙක්ගේ phone එක නැතිවුනාම වැඩිපුරම ඉදිරිපත් වෙන්නේ පිරිමි. තව Marketing වලදි ඉක්මනටම targets cover කරන්නේ කාන්තාවන් කියන එක Marketing කරන අය දන්න දෙයක්.

මේක පුරුෂවාදී ප්‍රකාශයක් නෙවෙයි.ටිකක් හිතල බැලුවොත් පේන්න තියෙන දෙයක්.ගොඩක් වෙලාවට මෙහෙම ඉදිරිපත් වෙන පිරිමින් ගෙන් බහුතරයක් කවදහරි දවසක අර කාන්තාව එක්ක සංසර්ගයේ යෙදීමේ සිහිනයකින් පසුවෙනවා.මේ නිසා ඒකට අවශ්‍ය පසුබිම හදනවා.හැබැයි අවසානයේ සමහරු අපේක්ෂා ඉටුකරගන්නවා.බෙහොම අතලොස්සක් විතරක්.බහුතරයක් අද දෙයි හෙට දෙයි අනිද්දා, ඉන් අනිද්දා,මේ weekend එකේ කියල හිතාගෙන බලන් ඉන්නවා.මේ බලා ඉදීම ඇතුලේ දෙන්න වගේ ඉදලා බොහෝ දේවල් කරගන්න අර කාන්තාවට පුළුවන් වෙනවා.බොස් ගෙ උදව්වෙන් promotion එකක් ගන්නවා. Office car එකක් හම්බවෙනවා.තව තව ගොඩක් දේවල් ගන්නවා.අන්තිමේ ඒ ඒ ආයතන වල තීරණ ගැනීමේ කාර්යයේ ප්‍රධාන කොටස්කාරියක් වෙනවා.ඊට පස්සේ ඒ ආයතනවල හෙට දවස???(ඒක වෙනම ඛේදවාචකයක්)

මේක කාන්තාවගේ වැරැද්ද නෙවෙයි මේ System එකේ වැරැද්ද.නැත්තම් සදාචාරයේ වැරැද්ද.සදාචාරෙට සංස්කෘතියට බයේ අවුරුදු ගාණක් තමන්ගේ හැගීම් මරාගෙන ජීවත් වෙන සුචරිතවත් පිරිමියා අතට බලය ලැබුනම ටයි කෝට් ඉරාගෙන ගෝත්‍රික පිරිමියා මතුවෙනවා. ඒ මතුවීම ඇතුලේ බලය කියන කාරණය  ගණිකා වෘත්තියේ යොදවලා තමන්ගේ අවශ්‍යතා ඉටුකරගන්න අර ගෝත්‍රිකයා මෙහොතක් වත් පසුබට වෙන්නේ නෑ.මේවගේ තත්වයක් ඇතුලේ ඇත්තටම  බලය තියෙන්නේ කොහෙද?දැන් අර මුලින් ප්‍රශ්ණාර්ථයකින් අවසන් වුන වාක්‍යයේ ප්‍රශ්ණාර්ථය ඉවත් කිරීම ගැන තීරණයක් ගන්න පුළුවන් කම ලැබෙනවා.

මෙගා ටෙලි බඩු

The Mirihana Police cracked down on a 'prostitute ring' operated by teledrama actresses playing 'lead roles' inside Colombo hotels this week where four teledrama actresses were caught in 'action',police said.The government has ordered a crackdown on vice and crime and the police have been directed  to carry out continued raids on brothels and hotels.
Early this week, officers from the Mirihana Police special unit apprehended two teledrama actresses using decoys at a hotel in Battaramulla.
Another two actresses were caught in 'action' today at the same venue following a tip off.
Investigations reveal that a ring of  young teledrama actresses are involved in the 'well paid' operation run by  certain 'agents' in Colombo using men from outstations as 'managers'.
Police, according to well informed sources,have now come across a list of names of teledrama actresses involved in this prostituting ring serving an 'influential' clientele at exorbitant rates.
(Colombo Lankapuvath) Thursday, 14 July 2011 07:42

ප්‍රබුද්ධ යැයි කියාගන්නා පොරවල් මිලා සරා පබා ආදි මෙගා ටෙලි  දෙකයි පණහට දමා කථා කරන බව අමුතුවෙන් කිව යුත්තක් නොවේ.මෙගා බලන පරපුර පෝය දාට අදබාලයින් ගානට දාන ලංකාවේ රූපවාහිනී නාලිකා එදිනම රාත්‍රියේ මෙගා පෙන්වයි.දැනට අප අත් විදිමින් සිටින සාමාන්‍ය තත්වය මෙයයි.කවුරු කොහොම මොනවා කිවිවත් මෙගා ටෙලියක එන ෆැන්ටසිය තුළ ජීවත් වීම අද ලංකාවේ දහසක් ප්‍රශ්න මැද ජිවත් වෙන අති බහුතරයකගේ දවසේ ප්‍රීතිමත්ම මොහොත වී තිබේ.


මේ අතරට මෙගා තරම්ම හිට් අළුත්ම Trend එක  වෙන්නේ ගණිකා වෘත්තියේ යෙදෙන ටෙලි නිළියන් අත් අඩංගුවට ගැනීමයි.විශේෂ Publicity එකක් මේකට ලැබෙනවා මීඩියා වල .ඒ නිලිය මෙගා ටෙලියක තත්පර ගානක හරි පෙනී ඉන්න නිළියක් නම් මේ News එක ගියාම අර ටෙලියටත් full publicity. නොබලන වුන් හොය හොය බලනවා අර නිළියගේ සීන් එකක් තියෙනවද කියලා.වෙන මොකටවත් නෙවෙයි තමන්ට ආතල් එකක් ගන්න.නිවුස් එක ආපු ගමන් ගොඩක් උන්  youtubeඑක පෙරළ පෙරල හොයනවා අඩුම ගානේ කවුද කියලා මුනවත් බලාගන්න කියලා.


 දැන් ලංකාවේ ගණිකාවෝ ඉන්නේ මේ මෙගා නිළියන් විතරද?ඇයි මරදානේ,බොරැල්ලේ,නුගේගොඩ,කොල්ලුපිටියේ බඩු නැද්ද?ඒක ගණිකා වෘත්තිය නෙවෙයිද?ප්‍රශ්නේ මේකයි ඒ අය කොයිතරම් ඇල්ලුවත් ඒකේ News value එක අඩුයි.මේ නිසා මෙගා නිළියගේ කථාව පත්තුවෙලා යනවා.ශුද්ධවන්තයින් පවා ආතල් එකක් පිණිස මේවා අහනවා බලනවා.


එහෙම කෙනෙකුට ඇග විකුනන්න අයිතියක් නැද්ද?තමුන් කැමතිනම් සහ තමුන්ව මිලදී ගන්න කෙනා ඒ මුදලට මිලට ගන්න කැමති නම් ප්‍රශ්නේ මොකක්ද?ගණිකා වෘත්තිය තහනම් කිරීමේ මූලධර්මවාදී රීතියෙන් අද වැඩක් තියෙනවාද?බලවතුන්ගේ වුවමනා මත තරු පහේ මට්ටමින් මේ වැඩේ ජයට කෙරෙනවා.ඉතින් මෙගා ටෙලියක නැගී එන නිළියකට සුපිරි නිළියක් වගේ ඉන්න තමන්ගේ රූපලාවන්‍ය උපකරණ ටික ගන්න,මිලඅධික ඇදුම් පැළදුම් අදින්න අවශ්‍ය කරන මුදල් අර ටෙලි කෑල්ලෙන් එන්නේ නෑ.මේ නිසා අමතර ආදායම් මාර්ග වලට පෙළඹෙනවා.


මැති ඇමතිවරුන්ට කෝටි ගණන් වලින් රටේ සල්ලි ගසා කන්න හොදයි නම්,පොලිසියට අල්ලස් ගන්න හොදයි නම්, සුනාමි ආධාර හොරා කනව නම්,කෝටි ගණන් වලට පක්ෂ මාරු කරනව නම්.කවුරුහරි කෙනෙක් තමන්ගේ ඇග විකුණල කීයක් හරි හොයා ගන්න එක විතරක් වැරැද්දක් වෙන්නේ කොහොමද?මේක විතරක් සදාචාර විරෝධි වෙන්නේ කොහොමද?අනිත් සියල්ල සංස්කෘතියට අනුකූලද?වේටර් ටිප් එක ගන්නවා වගේ ,කොන්දොස්තර ඉතුරු සල්ලි දෙන් නෑ වගේ මේ අයටත් අමතර ආදායමක් ඕන නැද්ද?ඒක අනුන්ගෙන් හොරකම් නොකර තමුන්ට තියෙන දේ විකුණල හරි හම්බ කර ගත්තම ඇති ප්‍රශ්නේ මොකක්ද?

Facebook යකා

ඉස්සර සිත්තර පත්තරේ තියෙන මිතුරු හමුව හරි ජනප්‍රිය අංගයක් ෆොටෝ එකයි ඇඩ්‍රස් එකයි දාලා විනෝදාංශ වලට මිතුරු ඇසුර කියලා දැම්මම ලියුම් ගොඩක් ලැබෙනවා.ඊට පස්සේ ඒවගෙන් පෙම්වතුන් වෙලා කසාද බැදපු අය සහ නොබැදපු අය ඕන තරම් ඉන්නවා.තව ඉස්සර වන්දනාවක් යනකොට ඇඩ්‍රස් දැමිල්ල හරියට කෙරෙන වැඩක්.අපිට මතක සීමාවේ මේ විදිහට අදුනගන්න යාළුවෝ පෑනේ මිතුරෝ කියල කිව්වේ. 

මේ  pen pals ල හොයල දෙන සමාගම් පවා පස්සේ කාලෙක වෙනම බිහිවෙන්න ගත්තේ මේ මිතුරු ඇසුර කියන එක පුදුමාකාර විදිහට සමාජගත වුන නිසා.මේ අතරේ වාසි හොයාගෙන සල්ලි ගරාගත්ත අයත් හිටියා.එයාලා විවිධ උපක්‍රම භාවිත කළා.මිතුරු සේවා කියල පවත්වාගෙන ගිය මේවගේ මිතුරියන් අදුනගන්න මුදල් ගෙවන්න ඕන.එතකොට තමයි මිතුරියගේ ලිපිනය ලැබෙන්නේ එහෙම ලියුම් ගාණක් ලිවිවට පස්සේ ඒ මිතුරිය මුණ ගැහෙන්න නම් අර ආයතනයට ආයෙත් සල්ලි ගෙවන්න වුනා.ඊට පස්සේ තමයි මුණගැහෙන තැන සහ දිනය වෙලාව අර ආයතනයෙන් ලැබෙන්නේ.ගොඩක් වෙලාවට එහෙම ගිය අය සුද්ද වෙලා ආවේ ඇදිවත විතරක් බේරගෙන. එදා අද වගේ තාක්ෂණය දියුණු නැති නිසා මේ බොරුව කරගෙන යන්න ලේසි වුනා.මේ අතරේ  Radio,TV  ආවා.

TV එක ආපු මුල් දවස්වලත් ඒක යකාගෙ පෙට්ටිය කියලයි හදුන්වලා තියෙන්නේ.ඒ තරමට සමාජයට වින කරන දෙයක් විදිහට තමයි TV එක හදුනාගත්තේ.ඒත් අද වෙනකොට  TV එකට කවුරුත් යකාගේ පෙට්ටිය කියන්නේ නෑ මොකද ඒක ඒ තරමටම සමාජගත වෙලා නිසා.  අදටත්  සමහර TV විරෝධියෝ බැන බැන බලනවා.කොහොම වුනත්  අද බහුතරයක් දෙනාගේ පුර්වාදර්ශය වෙලා තියෙන්නෙත් TV එක.

 

අන්තර්ජාලය ගැනත් මිට අවුරුදු හතර පහකට කලින්  මේ වගේ භීතිකාවක් තිබුනා.ඒත් අන්තර් ජාලය යකෙක් රකුසෙක් නෙවෙයි කියලා දැන් දැන් කවුරුත් තේරුම් ගනිමින් ඉන්නවා.මේ අතරේ මේ සමාජ ජාලකරණය හෙවත්  Social networkingකියන කාරණාවෙදි අන්තර්ජාලය සම්බන්ධයෙන් තහංචි පැනවෙමින් තියෙනවා මේ වෙනකොට. facebook , twitter වලින් ලෝකේ ආණ්ඩු පෙරළනකොට මෙහෙ තහංචි වැටකොටු දාලා ඒවා වහන්න හදනවා. අද වෙනකොට ලංකාවේ ගොඩක් සමාගම්වල  face book Access වෙන්න බෑ   block කරල තියෙන්නේ.ඇයි මේ?

             ලෝකේ ඉස්සරහට යනකොට අපි පස්සට යනවා කියන්නේ මේකට.මෙහෙම කරන අය කියන්නේ face book වලින් සමහරු ගහන්න බඩු හොයාගන්නවලු.ඉතින් ඒකේ වරදක් නෑනේ? Social networking වලට ඔය හැම එකක්ම අයිතියි.එහෙම වුවමනාව තියෙන උන්ගේ කැමැත්ත අනුව එහෙම කරගන්නවා.එහෙම නැතුව ඇත්තටම දුර ඉන්න තමන්ගේ යාළුවෝ ආශ්‍රය කරන්න කැමති අය තමන්ගේ facebook account එකට limited access දාලා use කරනවා.

 ඇත්තටම ගත්තොත් මේ social networking කියන්නේ එක office එකේ මේ  tableඑකේ ඉදලා එහා table එකේ ඉන්න යාලුවට status update කරන එක නෙවෙයි.වෙනම sujbect එකක්.මුලධර්මවාදි අතීත කාමීන්ට නොතේරෙන ඇත්තක් මේක ඇතුලේ තියෙනවා.කාලයක් එකට හිටපු අදවෙනකොට  contact නැති යාළුවො හොයාගන්න එයාලගේ අළුත් තොරතුරු දැනගන්න, අළුත් යාලුවෝ හොයාගන්න,දැනුම අදහස් බෙදාගන්න තියෙන හොදම තැන.කාර්යබහුලත්වයත් එක්ක ලෝකේ තම තමන්ගේ පරාස ඇතුලේ  හුදකලාව ගොඩනැගෙන්න උත්සහදරමින් ඉන්න මිනිස්සුන්ට මේක නියම අස්වැසිල්ලක්.අද මේක ප්‍රතික්ෂේප කරනවා කියන්නේ ග්‍රාමිය වැඩක්.ලෝකෙම එකම network එකක එකතු වෙන්න යනකොට අපි හුදකලා වෙන්න හදනවා.

උදයන්තිගේ Clip එක

 දැන් මේ වෙනකොට හුගාක් ජනප්‍රිය මාතෘකාවක් තමයි උදයන්තිගේ video clip එක.ඒක දැන් හැමෝම ලග තියෙනවා.හරියට යුද්දේ දිනපු කාලේ ජංගම දුරකථනවල සහේලිගේ සිංදුව වගේ. ඇයි මේ clip එකට මෙතරම් ඉල්ලුමක් ඇවිත් තියෙන්නේ? ප්‍රධාන කාරණාව තමයි ටීවි එක බලලා Bathroom එකට ගිහින් උදයන්තිව අතට අරන් ස්වයං වින්දනයේ යෙදෙන ලාංකේය සත්ගුණවත් සංස්කෘතික පිරිමින්ට උදයන්ති එක්ක තියෙන තමන්ගේ  sex arrears cover කරගන්න “පට්ට වේසි“ කියල බනින්න මේක හොද අවස්ථාවක් වීම.  සරලව කිව්වොත් ලංකාවේ බහුතරයක් පිරිමි තුල ජනප්‍රිය ගෑණියෙක් එක්ක නිදිවැදීමට තියෙන ආශාවේ කෙළවර වන ඊර්ශ්‍යාව. 

මේ සියලු කාරණා මුල් කරගෙන ඒ clip එක බලලා ඒ අවස්ථාව ලද පිරිමියා තමන් නොවිමේ වේදනාවට උදයන්තිට බනිනවා.සමහර විට කාන්තාවන් පවා “චික්“ කියන්නේ ඒ සිටින්නේ උදයන්ති විම නිසා හටගත් ඊර්ශ්‍යාව නිසා වෙන්නට පුළුවන්.ඒ clip එකට වඩා බරපතල  සිංහල clipsඕනෑ තරම් අන්තර්ජාලයේ තිබේ.ඒත් ඒ සම්බන්ධයෙන් විවේචන වලට වටිනාකමක් නොලැබෙන්නේ ඒ උදයන්ති නොවීම හේතුවෙනි.

වටිනාකම සහ තක්සේරුව ගැන අදහස එලෙස තිබියදී එසේ කිරිමට උදයන්තිට ඇති අයිතිය පිළිබද අපි අවධානය යොමු කරමු.උදයන්තිට එසේ කිරිමේ අයිතියක් තිබේ.නිලියක වු පමණින් තම ආශාවන් හැගිම් පාලනය කොට තවුස් දිවියක් ඇය ගතකළ යුතුද?නැත ඇයට තම කැමැත්ත අනුව ලිංගික කටයුතු වල යෙදීමට ඇති අයිතිය කිසිවෙකුට උදුරගත නොහැක.එමෙන්ම ඇය රූපවාහිනියේදී රසික ජනතාවගේ තෘප්තිය සදහා සහ  අධ්‍යක්ෂවරයාට අවශ්‍ය ආකාරයට අනේක විද චරිත නිරූපනය කරනවා සේම ඇගේ තෘප්තිය සදහාද කටයුතු කළ යුතුය.ඒ කවුරුන් සමගද?යන්න තවකෙකුට කිසිසේත් අදාළ නොවන දෙයකි.

මීලගට ඔබ නගන තර්කය වන්නේ මෙලෙස වීඩියෝ වලට පෙනි සිටීම වැරදි බවයි.මගේ අදහස නම් එහි කිසිදු වරදක් නැත යන්නයි.ඒ සදහා ඇය ස්වකැමැත්තෙන් පෙනී සිටියා නම් එහි කිසිදු වරදක් නැත.ඒ එය කිසිදු ප්‍රසිද්ධ මාධ්‍යයක පළ කිරිමේ අදහස උදයන්ති තුළ නොවන නිසාය. ඒ clip එක අන්තර්ජාලයට එක් කිරිම ලිංගික හිස්ටීරියාවෙන් පෙලෙන මානසික රෝගියෙකු විසින්  කල ක්‍රියාවකි.මෙම clip එක සම්බන්ධව උදයන්තිට දොස් නැගිම අර පෙර කී ගෝත්‍රික මානසික රෝගි පිරිමියාගේ ක්‍රියාව අගය කිරිමකි.එසේ අගය කරන්නෝද බොහෝ විට එම මානසික රෝගයට ගොදුරුවුවන් ලෙස වුවද සැලකිය හැකිය.

ෆැන්ටසියේ සියදිවි නසා ගැනීම

මේ දැන් ජිවත් වෙන්නේ අපි නෙවෙයි.වෙන කවුරුහරි.මේක මෙහෙම කිව්වට පැහැදිලි නෑ.දැන් වටපිට බලන්න Internet café කියල ගහල තියෙන ඒවා පොත් සාප්පු,ග්‍රොසරි බවට පත්වෙලා.නළුවො නිළියෝ නිවෙදකයෝ නිවේදිකාවෝ වෙලා.නිල්මිණි තෙන්නකෝන් ජිවිතේට උපදෙස් දෙනවා.මර්වින් මෙගා ස්ටාර් විනිශ්චය කරනවා.පාඨලි  සිල් ගන්නවා. යෝෂිත නාවික හමුදාවට බැදෙනවා.අනෝජා නිවන් යන්න පාර හොයනවා.සනත් පාර්ලිමේන්තු එනවා.සිරස පන්සල් හදනවා.මෙහෙම කියාගෙන යනකොට අපිට දනෙනවා අපි දැන් වැඩේ වරද්දගෙන ඉවරයි කියලා.

 ඇත්තටම දැන් ජිවත් වෙන්නේ අපිමද?කසාද බැන්දම එක්කෝ පිරිමියා තුල කාන්තාව දියවෙලා යනවා නැත්තම් කාන්තාව තුල පුරුෂයා දියවෙනවා මෙක හරි අවාසනාවන්ත තත්වයක්.කසාද බදින හැම නිළියකගෙන්ම පත්තරකාරයෝ අහන පොදු ප්‍රශ්නයක් තියෙනවා.ඒ තමයි “ඔයාගේ මහත්තයා රගපානවට කැමතිද?“ කියලා එවට ඒ නිළියො උත්තර දෙනවා“එයා අකමැති නෑ ඒත් අකමැතියි කිව්වොත් මම නවත්වනවා“ ඇයි මේ?මොන නිළියද පත්තරකාරයව ප්‍රශ්න කරන්නේ“එයාගේ කැමැත්ත අකමැත්ත මොකටද?මම කියන්නේ මට“ කියලා.ලංකාවේ කෙල්ලෙක් නම් ඔය කසාදය අවස්ථාවටත් එන්නේ පියවර ගානක් පහුකරලනේ.අම්මයි තාත්තයි කැමති කෙනාව තමයි බදින්න වෙන්නේ.වෙඩින් එක ගන්නෙත්,හනිමුන් යන්නෙත් ලොකු තැන්වලට අනිත් අය ගිය විදහට.ඊට පස්සේ මිනිහට ඕන විදිහට ජිවත් වෙන්න වෙනවා.මේකද ජිවිතේ?මම කියන කෙනා ඇයි ජිවත් කරවන්න උත්සහ ගන්නේ නැත්තේ.(මේක අර පුරුෂවාදි ගෝත්‍රිකයින්ට තරමක් කෙන්ති යන කථාවක් වෙනන් පුළුවන්)

 දැන් කසාද බැදල ගෙයක් හදන්නෙත් අපිට ඕන විදිහට නෙවෙයි.දැං යන විදිහට,දැං හදන විදිහට නැත්තං අල්ලපු ගෙදර විදිහට මේ ආදි වශයෙන් එතනදිත් අපිව හංගගෙන අනෙකා මුලික කර ගන්නවා.මෙහෙම අනෙකා මුලික කරගෙන අපි ජිවත්විම හරහා අපි ඇන්දිලා ඉන්නේ.මේ නිසා තමයි ලංකාවේ උගතුන් බහුලවම සිටින දිස්ත්‍රික්කය කියල කියන ගම්පහ දිස්ත්‍රික්කයෙන් වැඩිම මනාප අරං පබා පාර්ලිමේන්තු යන්නේ. අජන්ත මෙන්ඩිස් කියන නිසා කාගිල්ස් අයිස් ක්‍රීම් කන්න වෙනවා.අනර්කලී නියන නිසා වීට් ගාලා මයිල් ටික බාගන්න වෙනවා.භාතිය කියන නිසා කොකා කෝලා බොන්න වෙනවා ප්ලේන්ටිය පැත්තකට දාලා.

මේ අනෙකා තුල තමන් දියවී යාමේ අවස්ථා කිපයක් විතරයි.මේකට මීඩියා වලට බැනලා වැඩක් නෑ.මොකද මීඩියා කියන විදිහට මේ රටේ මිනිස්සු ජීවත් වෙනවා නම් උදේ හවස ප්‍රචාරය කරන බණ ටික අහන්න ඕනේ එහෙම නෑනේ.මේක මීඩියා ගේමක් නෙවෙයි.ඇතුල හිස් අපි උඩින් සළු පිළි ඇදගෙන ෆැන්ටසියේ ජීවත් වෙනවා.මීඩියා කරන්නේ ඒ ෆැන්ටසියට ඕන කරන Tools ටික දෙන එක විතරයි.මේ අනෙකා තුළ ජිවත් විමේ ෆැන්ටසියෙන් එළියට නොඑන තාක්කල් තමන්ව සොයාගැනිමට අවස්ථාවක් ලැබෙන්නේ නෑ.

 

බුද්ධ ජයන්තිය සහ t.c.b.s පරපුර

දවසක් සුරියප්පෙරුම මොකක්දෝ ටීවී චැනෙල් එකක කියනවා “ඉස්සර හායි බායි කියලා ටෙලිෆෝන් එක තියන්න පුරුදු වෙලා හිටපු අපි දැං බලන්ඩ අගේට බුදු සරණයි කියන්න පුරුදු වෙලා තියෙන හැටි.ඒකම ඇතිනේ අපේ ධාර්මික අධ්‍යාත්මික හැදියාව කොහොමද කියල මැනගන්ඩ“කියලා.

එහෙනම් ඔය හැම ලොරියෙම වගේ බුදු සරණයි කියල ගහල තියෙනවනේ.ඒත් ඒවගේ හරක් පටවනවනේ මරන්න.මේකේ සුරියප්පෙරුම ඇදලද නැත්තම් අපිට අන්දන්න හදනවද කියන එක ප්‍රශ්නයක්.ඒ කොහොම වුනත් දැන් බුදු සරණයි කියන එක Trend එකක් වෙලා.කෙල්ලෝ කොල්ලෝ අතරේ හුවමාරු වෙන txt massage වල අන්තිමට tcbs කියල type කරන්නේ ඒ නිසා.tcbs කියන්නේ වෙන මොකවත් නෙවෙයි “take care budu saranai“ කියන එක txt language එකෙන් කියන හැටි.

දැන් පන්සල් යන්නේ දැහැමි වෙන්නේ trend එකට.එහෙම කිව්වම මේ බුද්ධාලම්බන ප්‍රීතිය පිරි ඉතිරිල යන කාලේ ත්‍රස්තවාදි ප්‍රකාශයක් වගේ දැනෙන්න පුළුවන්. ඒත් ඒක කිව යුතුයි.දැහැමි වෙන එක හරියටම Market කලේ සෝම හාමුදුරුවෝ.උන්වහන්සේ අපේක්ෂා කරපු ප්‍රතිඵල ලැබුනේ මරණින් පස්සේ.උන් වහන්සේ ගේ අපවත් වීමත් එක්ක මහා බෞද්ධ බලවේගයක් ගොඩනැගෙනවා.මේ බලයේ දේශපාලනික වටිනාකමින් වැඩක් ගන්න හිතන කණ්ඩායම් “සෝම හාමුදුරුවෝ මැරුවා“ කියලා ආදාහනේටත් කලින් තමන්ගේ මතු ප්‍රයෝජන උදෙසා පශ්චාත් මරණ පරික්ෂණ වාර්තාවත් හදාගත්තා.තවත් බලය මදි කියල හිතුන නිසා ඕකට සිංහල මහ ජාතිවාදී paste එකත් දාගත්තා. දැන් සියල්ල හරි.ඔවුන්ගේ අරමුණු ඉටුකරගත්තා.සසර දුකක් කියලා සියල්ල අත්හැරලා මහණ දම් පුරන්න ගිය අපේ යතිවරුන්ටත් මන්ත්‍රී හිමි නමක් වෙලා පාර්ලිමේන්තු වඩින්න ලැබුනා.දැන් අර කිව්ව ධාර්මික රාජ්‍යය බිහි කරලද තියෙන්නේ?

පිරිත් නුල් බදින එකත් දැන් styleඑකක් ‍නේ.අතේ මැනික් කටුව ලග ඉදලා වැලමිට හරියට එනකල් නුල් බෝල පහක් හයක් අතේ බැදගන්නවා.එතකොට සියල්ල හරිද?මේ බොරු ධර්මිෂ්ට බවක් පෙන්නන්නේ ඇයි?මෙහෙම කියනකොට අර සුරියප්පෙරුම වගේ ප්‍රොමෝදයට පත්වෙලා ඉන්න පිරිස් වල ආතල් කැඩෙනවා තමයි.ඒත් මේ නොකියා බෑ.මොකද එයාල තමයි තමුන්ගේ පැවැත්මට මේ වගේ ව්‍යාජ තත්වයන්ට පාර කපන්නේ.

බුදු දහම කියන්නේ styleඑකක් හෝ  trendඑකක් නෙවෙයි.අතිශය මානුෂිය සංකල්පයක්.ලංකාවේ වෙන කිසිම දහමක් මෙහෙම විකිණිලා නෑ.ඒකයි තත්වය.හින්දු ආගමත් එක්ක තරුණයෝ බැදෙන්නේ අවංකවම.ඉස්ලාම් දහමත් එක්ක ඉන්නේ තරුණයෝ trend එකට නෙවෙයි.කතෝලික ක්‍රිස්තියානි  ආගම් වලත් තියේනනේ trend එකක් නෙවෙයි.

බුදු දහම trend එකක් බවට පත් කරල Marketකරන්න යන එකෙන් වෙන්නේ වටිනාකම නැති වෙන එක.ඒකයි ප්‍රශ්නේ.අද තරුණයෝ අල්ලගන්නේ බුදු දහමේ හරයට වඩා බාහිර දේවල්.පිරිත් නුල් ධර්ම චක්‍ර වගේ දේවල් විතරයි. මේ කියන්නේ ආගමික අන්තවාදී බින් ලාඩන් ලා බිහි කරන්න කියන එක නෙවෙයි. රූපලාවන්‍ය කටයුතු කරන පංච කාම සම්පත්තියේ ඇලී ගැලී ඉන්න ගමන් කණට ආතල් දෙන බණ දෙසල hit වෙන්න super star වෙන්න බලන ගනින්නාන්සෙලා නිසා බුදු දහමේ හරය කෙලෙසිලා තියෙන්නේ. 

කූඩු හැදුවට තොරණ ගැහුවට දන්සැල් දුන්නට ගොඩක් ඒවා පිටිපස්සේ තියෙන්නේ ආගමික බලාපොරොත්තු වලට වැඩිය ආතල් ගැනීමේ බලාපොරොත්තු.මේකයි ගැටලුව.උදේට බණ දහම දාන මීඩියා හවසට රෑට අධ්‍යාත්මික ජිවිතයට මොනවද දෙන්නේ.මේනිසා තමයි අද බුදු දහම විකුණන්න පහසුම දේ වෙලා තියෙන්නේ.මේ කියන්නේ ලංකාව බුදුන්ගේ දේශය කියලා හංවඩු ගහල අනිත් ආගම් ටික මකල දාන්න කියන එක නෙවෙයි.බුදු දහමට මුවා වෙලා කරන වංචාව තේරුම් ගත යුතුයි කියන එකයි.