රමණය නැත්තම් මරණය

ඉස්සර 88 -89 කාලේ අපිට මතකයි ජේවීපී එක තාප්ප ගානේ ලිව්වා “ මව්බිම නැතිනම් මරණය“ කියලා.මේකට හැමෝම බය වුනා.මේක බලහත්කාරයේන් දේශප්‍රේමය පැටවීමක් බව දැන දැනත් ගොඩාක් අය දේශප්‍රේමියෝ වුනා මොකද මරණයට බය නිසා.මේ කියමන අද මේ මොහොත වෙනකොට වෙනස් වෙනවා“රමණය නැත්තම් මරණය “ කියලා.ඒ තරමටම අද ලංකාවේ මරණය තරමට රමණය භයානකයි.මේ දවස්වල රමණය කේන්ද්‍ර කරගෙන ඝාතන රැල්ලක් ක්‍රියාත්මක  වෙමින් තියෙනවා.හමුදාවට සම්බන්ද පෙම්වතුන් ඉන්න පෙම්වතියන් මේ ගැන විශේෂයෙන් හිතමින් ඉන්නවා.තමන්ගේ පෙම්වතාගේ රමණීය වුවමනාවට ඉඩ නොදුන්නොත් හිමිවෙන්නේ මරණය කියලා මේ පෙම්වතියන් අත් දැකීමෙන් දන්නවා.

තිස්සමහාරාමෙදි කොල්ලා කෙල්ලගේ කටට වෙඩි තියන්නේ,හම්බේගමුවේ මුලු පවුලකටම වෙඩි තියලා මරලා දාන්නේ,ඒ වගේම කඩිගාවදි තුන්දෙනෙක්ම එකම ගහක එල්ලිලා මැරෙන්නේ මේ රමණීය වුවමනාවේ ප්‍රතිඵල විදිහට.මේ සිදුවීම් තුන ගත්තම සියලු සිදුවීම් වල තියෙන්නේ  තමා අත්විදි රමණීය සුවය ගැන හටගත් ලිංගික ඊර්ශ්‍යාව මිසක් අන් කිසිවක් නොවේ.කෙලින්ම ගත්තොත් මේ සියලු මරණයන්ට හේතු වෙන්නේ ලිංගිකත්වයයි.තමාටම කියා ලිංගික සත්වයෙකු  වෙන්කර ගැනීමට හෝ අයිති කර ගැනීමට ඇති තක්කඩි ආශාවයි.

ගෑණු,මිනිස්සු ,සංසර්ගය, කියන මේ දේවල් ජීවිතය පවත්වාගෙන යන්න අවශ්‍ය tools කිහිපයක් මිසක් ජීවිතය නොවෙයි කියලා තේරුම් ගන්න තරම් කියවීමක් අපේ පරම්පරාවට නැතිවීම තමයි මේ හැමදේටම මුල.ඩයනා රට වටේ යනකොට චාල්ස් එයාව වෙඩි තියල මැරුවේ නෑ.ඇයි එයාට කැමිලා කියන Option එක තිබුනා.කොයි තරම් ලස්සන වුනත් චාල්ස් ට ඩයනා ජීවිතේ වුනේ නෑ.තමන්ගේ තත්වේ රැක ගන්න tool එකක් විතරක් වුනා.ඒනිසා ඩයනා මැරුණාට චාල්ස් දුක් වුනේ නෑ.

ආදරේ කියන්නේ මාර අධ්‍යාත්මික බැදීමක් එක එහෙම tool එකක් නෙවෙයි කියල කාට හරි තර්ක කරන්න පුළුවන්.ඒක ඔහුගේ හෝ ඇයගේ මේ මොහොතේ සිතීම විතරයි.එතකොට අපිට උපකල්පනය කරන්න වෙනවා එහෙම කියන අය කවුරු හරි කෙනෙක්ව අයිති කර ගන්න බලාපොරොත්තු තියාගෙන ඉන්නවා කියලා.හැබැයි ඔය කියන අධ්‍යාත්මික පෙම්වතා හෝ පෙම්වතිය අතෑරල ගියාට පස්සේ තුවක්කුව අතට ගන්නෙත් මේ අයම තමයි.

ලෝකේ මුලින්ම බිහිවෙන්නේ ආදරය නෙවෙයි SEX.ඊට පස්සේ තමයි මානවයා ආදරය අදුනගන්නේ.පස්සේ පස්සේ SEX කියන වචනෙට බයේ මිනිස්සු ඒකට LOVE කියලා කියන්න ගන්නවා.මෙහෙම ගත්තම ආදරය නිසා මරාගන්නවා කියන එකේ අනිත් අර්ථය SEX නිසා මරාදමනවා කියන එක.ඒ කියන්නේ “රමණය නැතිනම් මරණය “කියන එක.

පිරිමින් දූෂණය කරන සිමිබාබ්වේ ගැහැණු

Rape කරනවා නැත්තම් Rape වෙනවා කියන කාරණාවෙදි වෙන්නේ කෙනෙක් තමන්ගේ අවශ්‍යතාව පිරිමසා ගැනීම සදහා අනෙකා යොදාගැනීමයි.ඇත්තටම මෙහිදී වෙන්නේ මුලික අයිතිවාසිකම් උල්ලංඝනය වීමක්.පිරිමි අතින් ගැහැණු දූෂණය වීම ගැන  අපිට අනන්තව අහන්න ලැබෙනවා.මේක දැන් සාමාන්‍ය සිදුවීමක් බවට පත්වෙලා.මේකට හේතු හොයන කෙනෙකුට කියන්න පුළුවන් ඒ පුරුෂාධිපත්‍යය ක්‍රියාත්මක වෙන නිසා කියලා.එහෙම නම් ඇයි කාන්තාවකට බැරි තමන්ගේ ආශාව වෙනුවෙන් බලහත්කාරයෙන් පිරිමියෙක් යොදාගන්න. මේක අහන ඔබ කලබල වෙන්න පුළුවන්.කාන්තාව පිරිමියා දූෂණය කරන්න....?

ඔවි ඒක එහෙම වෙන්න පුළුවන්.අනෙක් හැමදේටම වඩා තමාව ප්‍රමුඛ වෙන පශ්චාත් නූතනවාදී  සමාජයේ එය අරුමයක් නොවේ.නමුත් සිම්බාබ්වේ දේශයෙන් වාර්තා වෙන්නේ ඊට වැඩයි වෙනස් පුවතක්.පිරිමියෙක් දූෂණය කිරීමේ චෝදනාවට එරට කාන්තාවන් 3 දෙනෙක් පසුගියදා බන්ධනාගාර ගත කෙරුණා.මෙම කාන්තාවන් මෝටර් රථයකින් පිරිමියෙක් පැහැරගෙන ගොස් දූෂණය කර මහමග දමාගොස් තිබුණා.අවුරුදු  24 – 26 ත් අතර වන මෙම කාන්තාවන් තමන්ගේ ලිංගික අවශ්‍යතාවන් පිරිමසා ගැනිම සදහා පිරිමින් දූෂණය කලේ නම් මේ ගැන ඉහත පැහැදිලි කිරීමට අනුව සාධාරණ ලෙස සිතන්නට පුළුවන්.නමුත් මෙතනදි සිදුව තිබෙන්නේ  ශුක්‍රාණු මංකොල්ල කෑමකි.මෙම කාන්තාවන් ගමන් කරමින් සිටි මෝටර් රියේ තිබි භාවිත කළ කොන්ඩම් 33ක් සොයාගෙන තිබෙනවා.

නිරුවතින් මහමග දමාගොස් සිටියදී හමුවූ පුද්ගලයා හෙළිකර ඇති පරිදි ඔහු බලහත් කාරයෙන් මොටර් රථයට දමාගත් තරුණියෝ තිදෙනා ගිනී අවි පෙන්වා තර්ජනය කර අවස්ථා කිහිපයකදී කොන්ඩම් භාවිත කර  ඔහු දූෂණය කර තිබෙනවා.පොලිසිය පවසන ආකාරයට මෙම තරුණියන් විසින් පුද්ගලයන් 17 දෙනෙක් පමණ දූෂණය කර තිබෙනවා.මෙලෙස දූෂනයට ලක් වුවන් සිටීනම් ඉදිරිපත් වන ලෙස පොලීසිය සිමිබාබ්වේ ජනතාවගෙන් ඉල්ලා තිබෙනවා.

වසර දෙකක් තිස්සේ මෙම කාන්තාවන් මෙලෙස පුද්ගලයින් දූෂණය කර ශුක්‍රාණු එක්රැස් කර ඇති බවට තොරතුරු වාර්ථාවී තිබෙනවා.bbc පුවත් සේවය අණාවරණය කර ඇත්තේ ව්‍යාපාර සාර්ථක වීම සදහා කෙරෙන ශාන්තිකර්ම සදහා ශුක්‍රාණු හාවිත කෙරෙන බැවින් ඒ සදහා අලවි කිරිමට මෙම කාන්තාවන් පුරුෂයින්ගේ ශුක්‍රාණු කොල්ලකා ඇති බවයි.

 

මෙහි විස්තර සදහා පහත links  මගින් පිවිසෙන්න

http://www.kpax.com/news/3-women-in-zimbabwe-charged-in-series-of-sex-attacks-on-men/

http://www.bbc.co.uk/news/world-africa-15876968

Facebook මෙහෙට f....kbook

(මෙම ලිපිය  www.3mana.com  වෙතින් උපුටා ගැනුනකි.)

ලංකාවේ තරුණ තරුණියන් අතර අතිශයින්ම ජනප්‍රිය ෆේස් බුක් වෙබ් අඩවිය යනු සීමා මායිම් නොතකා හරිනු ලැබිය හැකි කිසිදු තහංචියකට යටත් නොවූ කැමති අයෙකුට කැමති දෙයක් කරණු ලැබිය හැකි පාරාදීසයක් යැයි බොහෝ උදවිය සිතා සිටියි.
මේ නිසා සෘජු ලිංගික සබදතා සදහා මේ අඩවිය තුල පැහැදිලි ආරාධනාවන් කල හැකි යැයි සිතන බොහෝ තරුණයන් කාන්තාවකගේ පොරොෆයිල් එකක් දුටු සැනින් චැට් කරමින් තමන් සමග ලිංගික සම්බන්ධතා පවත්වන්නට එන්න යැයි ආරාධනා කිරීම සුලභ දෙයක් බවට පත්ව තිබේ. මේ පෞද්ගලික චැටි කිරීම් වෙනත් කිසිවෙකුටත් දැක ගත නොහැකි වන නිසා බොහෝ අය හිතුමතයේ මේ චැට් වලින් තරුණියන්ට සරල බාසාවෙන් කියන්නේ නම් තිත්ත කුණුහරුප කියමින් තම සෙක්ස් එරියර්ස් පිරිමසා ගන්නට උත්සහා කරයි.
අපට අනුව නම් මේ ෆේස් බුක් මනමාලයන් යනු ඇත්තටම සෙක්ස් කරන්නට බය සෙක්ස් කියන්නේ කුණුහරුප යැයි සිතා සිටින අඳ බාලයන් පිරිසකි. ලිංගික සම්බන්ධතා යනු ඇත්තටම නොපවතින මනසින් පමණක් විදිය හැකි ශරීර දෙකක එකතුවක් යැයි කියන්නේ මේ නිසයි.
ෆේස් බුක් ලාංකිකයාගේ චින්තනයට අනුව සෙට් වෙන ඕනෑම ගැහැනියක් යනු තමන්ට සෙක්ස් කරන්නට යොදා ගත හැකි ශරීරයන්ය. මේ නිසා මෙලෙස දකින දකින ගැහැනුන්ට සෙක්ස් කරන්නට ආරාධනා කරණ මහත්වරුන්ගේ රෙදි ගලවන්නට ෆේස් බුක් හිතවතියක්ම උත්සහා ගත් ආකාරය අප සොයා ගන්නට හැකි වුනා. ෆේස් බුක් යනු අත්ශයින්ම පෞද්ගලිකත්වය සුරකින දෙයයක් යැයි සිතා ගෙන සිටි උදවිය දැන් කලබල විය යුතුමය. 
 ෆේස් බුක් එකේ Ama Chathurani යන නමින් සිටින තරුණියක් සමහරක් විට තරුණයෙක් වන්නටද පුලුවන. තමන් සමග චැට් කළ බොහෝ පිරිමින්ගේ නම් ගම් සහිතව කල කී සියල්ලම ඔවුන්ගේම පොරොෆයිල් වලට ටැග් කර ඇත. දැන් ඔවුන් කිසිවක් නොදන්නවා යැයි සිතා කලකී සියල්ල හෙළිවී හමාරය. එම පලවු සංවාදයන් අපගේ වෙබි අඩවියේ පලකල නොහැකි තරම් ආචාරධාර්මික නොවන නිසා ඒ ගැන දැන ගන්නට අවශ්‍ය අය පහත දැක්වෙන පොරොෆයිල් එකට ගොඩවී බලන්න.

(මෙම ෆේස්බුක් ප්‍රොෆයිල් එක බැලීමට ඔබගේ ෆේස්බුක් ගිණුමට ඇතුල්වීය යුතුය.)
LINK http://www.facebook.com/profile.php?id=100001360370474&sk=photos

හෙළුවෙන් මගුල් කෑම

මගුල යන වචනය අද සාමාන්‍ය ව්‍යවහාරයේදී විවිධ අර්ථ ගෙන දෙන ආකාරයට යොදා ගැනේ.“මල මගුල“ , “ඕන මගුලක්“ , “මගුලක් කරනවද? “ යන වචන එදිනෙදා ව්‍යවහාරයේදී අසන්නට ලැබේ.නමුත් අද මගුලක් කිරීම යනු ලොවට තම තත්වය පෙන්වීමට තිබෙන කදිම අවස්ථාවක් වී තිබේ. මෙ නිසා සල්ලි ණයට අරං හෝ පොලියට අරං හැකි ඉහළම ආකාරයට දන්නා ලොකුම හෝටලයේ ලොකුවට මගුල් කෑමට බොහෝදෙනා තුල දැඩි උනන්දුවක් පවතී.මෙලෙස ලොකුවට ලොකු මගුලක් කෑම සදහා මුළු ජීවිත කාලයම ඇපයට තබන ෆැන්ටසි පරම්පරාවේ උන් කඩේ යවන වැඩසටහනක් රූපවාහිනි නාලිකාවක දක්නට ලැබින.

මෙහිදී විවාහ අපේක්ෂක යුවල තරග කරු සහ තරගකාරිය වන අතර ඔවුන් වෙත පැවරෙන ක්‍රියාදාමයන් නියමිත කාලයට පෙර නිම කරමින් තම විවාහ මංගල්‍යය ඉහළ පෙලේ හෝටලයක සුපිරි මට්ටමින් කර ගැනීමට වාසනාව උදා කර ගනිති.මෙහිදී සමහර තරුණ තරුණීයෝ මහපාර දිගේ දුවති , දර පළති,වතුර අදිති,මේ ආදී වශයෙන් අනේකවිධ බැල මෙහෙවර කම් කර අවසානයේදී ජයග්‍රහණය කරති.පසුව එම විවාහ උත්සවයඑකී රූපවාහිනී නාලිකාව මගින් රටට පෙන්නන්නේ මනාලයාගේ සහ මනාලියගේ යට ඇදුමේ සිට අනුග්‍රහය දැක්වූ පාර්ශව වල වෙළද දැන්වීම් සමගිනි.(දැනට නොපෙන්වන්නේ sex කරන ටික පමණකි)

එසේ ගත්කල රටම දකින්නේ පිනට ලබාදුන් සිල්ල සමග ජයට මංගල්‍යය ගන්නා යුවළකි.මෙම යුවළ ලක්ෂ ගණන් වටිනා සළුපිළියෙන් සැරසී සිටියද රට හමුවේ සිය අංගජාත ප්‍රදර්ශණය කරමින් නිරුවතින් සිටිති.මන්ද යට ඇදුමේ සිට සියල්ල සපයා ඇත්තේ නොමිලේ බැවිනි.

 අද රට යන මාවත දෙස විමර්ශනය කිරීමේදි බරපතල ගැටලුව වී ඇත්තේද මෙයයි.කිසිදු දේශපාලනික සංවිඥාන භාවකින් තොර ෆැන්ටසිකරණය වු හිස් ඔළු ගොඩක් පමණක් අද ඉතිරි වී තිබේ.වර්ථමානය වනවිට චීනය වැනි ලොව සීඝ්‍රෙයන් ඉහළට පැමිණෙන රටවල් මෙම රියැලිටි වැඩසටහන් තහනම් කරමින් සිටියි(මෙම යෝජනාව අපිද චීනය අනුගමනය කළ යුතුයි යන්න නොවේ) සාධාරණ වුවද අසාධාරණ වුවද චීන රජය කියා ඇත්තේ මෙම වැඩසටහන් නැරඹීමට චීන ජනයා කැප කරන කාලය අපතේ හැරීමක් ලෙස සලකන බවයි.

ඕනෑම ඌණ සංවර්ධීත රටක Reality සහ Fantasy අතර පරතරයට ලැබෙන්නේ ඉහළ වටිනාකමකි.ඉන් කළ දුටු කළ වල ඉහගන්නා මාධ්‍ය මනුෂ්‍ය ආශාවේ ප්‍රෙමෝදයට මිලක් නියම කරන බව මෙම පශ්චාත් නුතනවාදී යුගයේ මහා අරුමයක් නෙවේ.යථාර්ථයේන් ජනතාව ඈත් කරමින් සිහින අලවි කරන මාධ්‍ය සංස්කෘතිය  ඌණ සංවර්ධිත මානසිකත්වයන් බහුල රටවලටද විශ්මයක් ‍නොවේ.නමුත් ගැටලුව ඇත්තේ එතැන නොවේ කෙසේ හෝ ජයට මගුලක් කා රටට තම ෆැන්ටසිය පෙන්නන්නට ගොස් නිරුවතින් මගුල් කෑමයි.මෙලෙස මිනිස් හැගීම් තුට්ටුවට දෙකට හූරා කමින් තම බඩ වඩාගන්නා මාධ්‍ය සංස් කෘතිය විනාශ කර්මින් සිටින්නේ රටේ ප්‍රගතිශීලි හෙට දවස බව කාටත් පසක් වන විට අශ්වයා පැනගොස් තිබෙන්නට පුළුවන.

භාරත මැරුවද?මැරුණා ද?

“භාරත මැරුවාද මැරුණද?මේ ප්‍රශ්ණය ඔබට අපභ්‍රංසයක් විය හැකියි.මේච්චර මේ වෙඩි තියලා මැරුවා කියලා කියද්දිත් මේ වගේ ප්‍රශ්ණ අහන එක ගැන.ඔය මරණ ගැන අපේ සමාජයේ ඇත්තේ වෙනම විවේචනයකි.ඩයනා මැරෙනකොට,ගාමිණි අතුකෝරළ හදිසියේ මැරෙනකොට,ජෙයරාජ් මැරෙනකොට,සෝම හාමුදුරුවො මැරෙනකොට,ශ්‍රීපති මැරෙනකොට‍, මැරුණා කියන එක පිළිගන්න බොහෝ දෙනෙක් කැමති වුනේ නෑ.මේ නිසා අපි හිතුවා මැරුවා වෙන්න බැරි නැද්ද කියලා.මේ අකාලයේ මැරෙන්න බෑ කියන සම්මතයත් එක්ක හැදෙන්නේ  සැකයක්.මෙ සැකය එක්ක විවිධ මතවාද පටං ගන්නවා. අවසානයේදී එකෙක් දෙන්නෙක් ගේ දෘෂ්ඨිවාදයකට තැනක් ලැබෙනවා.

හැබැයි එදා වුනේ සැක හිතන්න දෙයක් නෙවෙයි. කියන විදිහට භාරතට දුමින්ද වෙඩි තිබ්බා.එතකොට භාරතගේ අය දුමින්දටත් වෙඩි තිබ්බා.දෙපැත්තම වෙඩි තියාගත්තා.ඔය ද්වන්ධ සටන් වලදී වීරයා සහ ද්‍රෝහියා තීරණය කෙරෙන්නේ කාලය සහ වේගය අනුව.ඉක්මන් වුන එකාට වීරයා හෝ ද්‍රෝහියා වෙන්න පුළුවන්. දැන් මෙතන වීරයා කවුද?ද්‍රෝහියා කවුද?මෙතන මැරුණේ භාරත නිසා සමස්ථයේ පිළිගැනීම ද්‍රෝහියා දුමින්ද බවයි.නමුත් භාරත ජීවත්ව සිටියදී දුමින්ද මියගියා නම් භාරත ගැන කථාකරන ආකාරය ඉදුරාම වෙනස් වන්නට ඉඩ තිබේ.

මේ නිසා වීරත්වය සහ ද්‍රෝහීත්වය ආරෝපණය කිරීම මේ යුගයේ ව්‍යාජයක් බව පැහැදිලිය.එය සැනෙන් වෙනස් විය හැක්කකි.කොතරම් දුර්ගුණ සහිත පුද්ගලයෙකු වුව මියගිය පසු සත්ගුණවත් භාවයට පත් කිරීම සාමාන්‍ය සම්ප්‍රදායයි.එය මළවුන්ට කරන ගෞරවයක් ලෙස සැලකෙයි.මේ කියවෙන්නේ භාරත  ගේ ගුණ ව්‍යාජ ලෙස ගායනා කිරීමක් නැත්තම් භාරතට සුදු හුණු ගෑමක් යැයි කෙලින්ම කිව නොහැක.

ක්‍රියාකාරී දේශපාලනයේදී කෙසේ වුවද දුමින්දට සාපේක්ෂව ගත් කල භාරත පළපුරුදු දේශපාලනයට සුදුසු චරිතයකි.70 දශකයේ සිට මෙරට පක්ෂ දේශපාලන ගොහොරුව තුළ රැදී සිටිමින් දේශපාලනය වෙනුවෙන් ඔහු කළ දේ බොහොමයකි.මහින්ද මහ පුටුවට ගෙන ඒම දක්වා දැවැන්ත සෙවනැල්ලක් වුයේ භාරත බව අමුතුවෙන් කිව යුත්තක් නොවේ.විජයගේ අනුගාමිකයෙකු වු භාරත තමාට දැඩි සේ හිතවත්ව සිටි චන්ද්‍රිකා සමගද මහින්ද වෙනුවෙන් අරගල කලේය. එහෙව් අරගල වල ප්‍රතිඵලයක් ලෙස මහින්ද මහ පුටුව දක්වා පැමිණියේය.

 

නමුත් එහේ මෙහේ සිටි හාල්පාරුවන් ජාතික ලැයිස්තුවෙන් රිංගද්දී,මොළයට වඩා ඇග වැදගත් යැයි සිතන හැල ගෙම්බන් පිල් පැන අමාත්‍යංශ වල අධීක්ෂණ මන්ත්‍රී කම් ගනිද්දී, භාරත නාමික තනතුරක් පමණක් දැරීය.(භාරත ඉල්ලුවා දුන්නේ නැද්ද?නැත්තං භාරත ඉල්ලුවේ නැද්ද කියා නොදනිමි)කෙසේ නමුත් දැන් භාරත යන දේශපාලන චරිතය අවසන් කොට හමාරය.

කොලොන්නාවේ මිනිස්සු කියන විදිහට“ලකී අයියා මැරූ එකාද ඉවරයක් කළ යුතුය“නමුත් ගැටළුව ඇත්තේ හරියටම මිනී මරුවා සොයාගැනීමට ආණ්ඩුවට හැකිවේද යන්නයි.මියගියේ භාරත නොවේ නම් එම තැනැත්තා දුමින්ද ඉදිරියට පැමිණ දුමින්ද එපා කියද්දිත් තමන්ටම වෙඩි තියාගත්තා වගේ කථාවක් කියන්නට තිබිණ.

කෙසේ නමුත් භාරතලා හදපු ආණ්ඩුවේ තුවක්කු භාරතලාටම පත්තු වී තිබේ.මෙය ආරම්භයක් පමණි.අවසාන වන්නේ කොතැනින්ද?මහ තැන්වල තුවක්කු මහතැන්වලටම එරෙහිව පත්තු වන දිනය වැඩි ඈතක නොවන බවට මෙය ඉගි කිරීමකි.

ඇයි සුදු මේ...?

ඇන්ගෝලාවේ ලෙයිලා ලෝප්ස් Miss universe වුනා කියල කිව්වම ලංකාවේ ගොඩක් ගෑනුන්ගේ heart beat වැඩිවුනා.“යකෝ කළු කෙල්ලෙක් කොහොමද Miss universe වුනේ කියලා.මොකද ලංකාවේ සම්මතයක් තියෙනවා සුදුයි නම් ලස්සනයි කියලා.

මේ නිසා ලංකාවේ ගෑණු සුදු වෙන්න නොකරන දෙයක් නෑ.ඇත්ත ලස්සනට ඉන්න ඕන ඒක හරි.ඒත් මේ හම පැහැපත් කරගත්තම විතරක් හරිද.කළු හම තියෙන අපිට සුදු හම ෆැන්ටසියක් තමයි.මුලින්ම ආවේ Fair and lovely .ඒ කාලේ එවා ගාපු අයටත් හිනාවෙන අය හිටියා.සමහරු හොරෙන් ගෑවේ.පස්සේ වැඩේ නැගල ගියා TV එකේ පෙන්නුවා එක තත්පරයට සුදු වෙන විදිහ.

ඉතින් අපේ කට්ට කළු හම්වල තට්ටුගණන් ගෑවා මේක.සුදු වෙනවට වඩා සුදුයි වගේ පෙනුනා.හැමෝම ගෑවා.වැඩේ පත්තුවුනා තව තව ගොඩක් ජාති දැන් ඇවිල්ලා.සුද වෙන්න ගාන ක්‍රීම් , සබන්,පෙති කරල් නැති දෙයක් නෑ.මේවයේ සුදු වෙන්න තියෙන කාලය නැත්තම් සුදු වීමේ වේගය.ඉක්මනටම සුදු වෙන එක ගණන් වැඩියි.පොඩි පොඩි ගණන් නෙවෙයි.හම පැහැපත් කරන Treatment එකක් 15000/- යි කියලා  නුගේගොඩ පැත්තේ තැනක දැක්කා ලගදී.මේ අතරේ සෞඛ්‍ය ඇමති තුමා කියනවා කොළඹ මන්දපෝෂණය වැඩි වෙන්න ප්‍රධාන හේතුවක් ලු මේ කාන්තාවන්ගේ රූපලාවන්‍ය වලට යන වියදම.බලාගෙන යනකොට ඒක ඇත්තක්.

සුදු වුණාම ලස්සනයි කියන සම්මතය අපිට එන්නේ අපිට සුදු කියන්නේ ෆැන්ටසියක් නිසා.මේ ෆැන්ටසියේ දැන් කරවටක් ගිලිලා ඉවරයි.මේ ළගදි කවුද සුප්‍රකට TV සංඝයා වහන්සේ නමක් ලගින් ආශ්‍රය කරන හිතවතෙක් පොඩි සෙට් වීමකදි කිව්වා ඒ ස්වාමීන් වහන්සේත් මිල අධිකතම Fairness cream එකක් පාවිච්චි කරනවා කියලා. ( මේවා ඉස්සරහට පිරිකරටත් පූජා කරන්න වෙයි වගේ) 

මොකද උපාසක අම්මලා වැඩිපුර එන්නේ සුදු ලස්සන හාමුදුරුවරුන්ගේ බණ අහන්න. ඒ හාමුදුරුවන්ගේ මූණ හරිම “පිං පාටයි“ කිය කියා තමයි මෙහෙම යන්නේ.

දැන් කෙහොම හරි වැඩේ පත්තු වෙලා ඉවරයි.ලංකාවේ ලස්සන කියන්නේ සුදු වීම විතරයි.මේ නිසා ගන්න ආදායම වගේ තුන් හතර ගුණයක් දීලා සුදු වෙන්නම වෙනවා යහතින් ඉන්න නම්.වියදම් කරන්න සල්ලි නැත්තම් ඉඩ කඩම් විකුණලා හරි සුදු වෙන්න වෙනවා.ඒකයි තත්වේ.මෙතන අවුල තියෙන්නේ සුදු වීම නෙවෙයි.මුණ විතරක් සුදු වීම.